الانجاز اللي عملوا أحمد الكاس ده مع منتخب مصر للناشئين كان من رابع المستحيلات انه يحصل حرفيا !
قبل تصفيات شمال افريقيا للناشئين حصلت فضيحه لمنتخب مصر و هي ان الاتحاد المصري اكتشف ان منتخب مصر زوروا أعمار 10 لاعبين ، متخيل الكارثه !
أحمد الكاس كان معتمد علي اللاعبين دول و داخل بيهم البطولة و اتصدم قبل البطولة بكام يوم انه تم استبعادهم و اضطر انه يلعب بلاعبين تانيين !
منتخب مصر في اول مباراة خسر من منتخب المغرب 5 / 1 و حرفيا عملنا مباراة كارثيه ، المنتخب كله مكنش مركز بسبب الصدمه اللي حصلت قبل البطولة !
المبهر بقي ان كابتن احمد الكاس طلع بعد المباراة دي و قال انا المدرب و انا اللي بتحمل المسئوليه لوحدي و مش هنرمي الفوطه و مش هنستسلم !
كان سهل اوي أحمد الكاس يطلع يقول اتحاد الكرة و الاندية هما سبب النكسه دي بسبب الفضيحه اللي عملوها و كان هيبقي عنده مليون حق وقتها !
منتخب مصر لعب مع الجزائر بعد كدة و قدر يحول النتيجة بعد ما كان خسران 1 / 0 و كسب 2 / 1 !
منتخب مصر بعد كدة لعب مع تونس و قدر يحول النتيجة و سجل هدفين في 3 دقائق بعد ما كان خسران 2 / 1 في الدقيقة 80 و كسب 3 / 2 !
منتخب مصر امبارح لعب اخر مع مباراة مع ليبيا و كسب بسكور تاريخ و هو الاكبر في البطولة بنتيجة 7 / 1 !
أحمد الكاس في النهاية بعد كل الظروف الصعبة دي تصدر المجموعة في التصفيات برصيد 9 نقاط و كسب كاس شمال افريقيا و اتأهل الي امم افريقيا في انجاز محصلش من 2011 ، ياه علي الجمال !
الانجاز العظيم ده يحسب ل احمد الكاس فقط و ل اللاعبين الشباب اللي قبلوا يدخلوا التحدي و ميستسلموش مع اول نكسه
الناس دي تستحق الاشاده علي مجهودهم ، انجاز تاريخي بدون اي دعم اطلاقا من المسئولين عن الكورة في مصر
شكرا لاحمد الكاس ، شكرا لكل الشباب ، فخورين بيكم جدا
