الأب عزوة ، الاب سند
الأب اسم وسيرة حلوة
الأب صوت أقدام ع السلم تطمن
الأب دقة ع باب بيت تدفي
الأب صوته كصوت بلبل مغرد
الأب أول ليلة في رمضان ولمة سحور تشبع
الاب دخلت عيد وعيدية تفرح
الأب حج ودعوة من القلب مقبولة تنجح
الأب غنوة ربيع تفتح معاها زهور جناين
الأب ريحة شتا بتغسل قلوب حيرانه
الأب نغمة ع محمول في صبح يسأل ويتطمن
الاب جد لأبني بيصاحبه ويلعب بيه
الاب وزير للحب والتفاني لأجل أولاده
الأب عيون ما بتنام
وعقل دايما شغال
وحيل مهدود عشان يوفر لك تعيش في أمان
الأب صحبه ما احلاها صحبة
الأب شجرة تضلل ع الأحباب
ولما يموت بيكون رباط وعقد بيربط الاخوات
قبره مزار
قبره مطاف
قبره كعبة لكل ابن مشتاق لحضن كبير
الأب بيته وقبره امان لكل خايف تعبان
