دكتورة مريم ميلاد تكتب.. التغذية الصحية للمُرضعات فى رمضان 

أمهات كتير بتلجأ لإدخال اللبن الصناعى حتى تستطيع الصوم بدون التأثير على صحة الطفل 

أنا هقولك على بعض النصائح اللى تخليكى تقدرى تصومى بدون ما طفلك يتأثر و كمان بدون ما ندخل لبن صناعى إن شاء الله 

أولاً / و جبة الإفطار :

لازم تكون مثالية علشان تديكى العناصر الغذائية اللى بتحتاجيها أنتِ و طفلك 

يعنى إيه مثالية ؟؟

يعنى بتشتمل على أطعمة من جميع المجموعات الغذائية 

زى إيه ؟؟

▪︎ الخضروات : غنية بالألياف و المعادن و الفيتامينات 

تاخديها مطبوخة أو مشوية أو سلطة 

▪︎البروتينات: مهمة لبناء جسمك و جسم طفلك 

تاخديها من اللحوم او الفراخ أو الأسماك أو بدائلهم زى البروتينات النباتية 

▪︎النشويات: مهمة جداً علشان بتديكى طاقة و تعوضعك عن فترة الصوم الطويلة 

تاخديها من الأرز أو المكرونة أو الخبز أو البطاطا أو البطاطس .. و يفضل الحصول على النشويات من الحبوب الكاملة زى الشوفان ،، البليلة ،، الخبز الأسمر

▪︎الفواكه: يفضل تناول الفاكهة بعد تناول وجبة الإفطار بساعتين

حاولى تنوعى الفاكهة علشان تستفادى بكل أنواع الفيتامينات و المعادن الهامة لكى و لطفلك 

▪︎يفضل تجنب الأكلات التى تحتوى على الدهون بقدر المستطاع 

▪︎أكثرى من شرب الماء بقدر إستطاعتك لتجنب تعرضك و تعرض طفلك للجفاف الناتج عن الصوم لفترات طويلة 

▪︎يفضل تناول المشروبات أو الماء بعد تناول وجبة الإفطار بساعة أو ساعتين لتجنب حدوث تخفيف العصارة المعدية بعد الأكل مباشرةً مما يعوق عملية الهضم

▪︎بلاش تشربى مياه أو عصير أثناء الأكل لأنه بيسبب عسر هضم

هنتكلم عن وجبة السحور فى المقال القادم .. تابعونا 

دكتورة مريم ميلاد

أخصائية طب الأطفال واستشارى التغذية العلاجية للأطفال جامعة Edmore الأمريكية