ينشر موقع هارموني نيوز، مقالا جديدا لـ تامر ممتاز، بعنوان لماذا يضعف تأثير السياستين المالية والنقدية فى خلق واقع أفضل؟ وإلى نص المقال:
شوف كده الراديو اللى عندك هتشوف فيه مفتاحين:
مفتاح توليف المحطة
مفتاح الضبط الدقيق
لما بنحب نغير المحطة لازم نحرك المفتاح الأول وبنسمع تردد قنوات تانية على حسب ما نريد
ولو فى تشويش بنحرك المفتاح الثانى وهو يضبط القناة بدقة أكثر على حسب التشويش.. طيب هل لو حاولنا نحرك المفتاح ده ليل نهار هل ممكن يغير لينا المحطة؟ للأسف لا لان إمكانيات المفتاح ده لا تتعدى التحرك المحدود جدا حول المحطة يمينا ويسارا ولا يمكنه تغييرها
نفس الحكاية.. عندنا فى الاقتصاد مفتاحين:
مفتاح الإنتاجية (توليف المحطة) وده بينقلنا من محطه الى محطه تانية على حسب انتاجيتنا وعلى حسب مستوى كفايتنا لاستهلاكنا وهو ما ينعكس على ارتفاع مستويات المعيشة وارتفاع قيمه الجنيه وانخفاض قيمة العملات الأخرى وارتفاع مستويات المعيشة بالتبعية
وعندنا مفتاح السياسات النقدية والمالية ( الضبط الدقيق ) اللى بنغير فيها مثلا أسعار الفائدة ومعاها الأدوات المكملة والضرائب والاعانات من اجل ضبط المسار الاقتصادى انكماشا او توسعا وهو لا يتعدى التحرك المحدود حول مستوى انتاجيتنا دون ان يغيرها بالشكل المطلوب تنفيذه
إذا أردنا تغييرا فى تغيير المحطة علينا ان نحرك المفتاح الأول.. الإنتاجية فى كل مكان لتكفى الساكنين فى كل مكان.
