لو بتروح
لو بتروح عآخر الدني
بتبقى جواتي موجود
إنت ومعي مين أدي
بغنّي بقربك وبجود
بكلّ المطارح طيفك مرافقني
ما في مسافات بينا ولا حدود
بغمّض عيوني بشوفك بحلمي
مغروم قلبي وفيك مسنود
يا نبع الحنان اللي بيرويني
سبحان اللي خلق عينيك السود
نبضك عم يمشي بشرايني
من دون دلائل ولا شهود
كلّ نقطة دم بجسمي
بتنده باسمك من بين كل هالحشود
إنت صرت كلّ حياتي
بعرف إنّك أدها وأدود
عطرك الفوّاح عن بعد بعانقني
وصوتك على أذني متل النغم والعود
دقات قلبك بترافقني
كأنّي عم أعزف على وتر مشدود
وقت إزعل بتراضيني
يا دنيتي المزيّنة بالورود
كلّ كلمة بكتبها بشعري
بتكون إلك وإنت بتكون المقصود
شاعرة لبنانية
