لما العمر عالأرض بلش ينحسب
وبالكون سر الموت عالناس انحجب
صار الزمان بعمرنا يجد المسير
وإلنا أمانة ربنا العالي وهب
هالروح فينا بأمر خالقنا القدير
وجرح القدر مش كل لحظة بينقطب
أحيان عمر الورد بتشوفو قصير
وبكير بتشوفو سطر عمرو انشطب
وبالمسكبة أحيان بيضل الخمير
فترة طويلة ونجم عمرو ما غرب
لكن بعد رحلة بهالكون الكبير
لابد بدنا نشوف موعدنا اقترب
كل شي بنينا بينتهي بس الضمير
بيكتب ورانا شو عملنا بهالدني
والا عملنا بعمرنا ما بينكتب
