يا عيون حزينة في كل مينا
وشط غاب من دنيتي
هبكي النهارده ولَّا بكره
ولَّا هنسى ضحكتي
لقيتني ببكي ومره بشكي
ومره نزلت دمعتي
يا حكايه عدت من حياتي
وفجأه سرقت خطوتي
كانت حبيبتي ونور حياتي
وكل حاجة في قصتي
لعبت بقلبي وليه تخبي
سبتني وحدي في غربتي
وخلاص بقولها روحي وامشي
سكتك مش سكتي
هبعد وهنسى كل حاجة
هعيش وهرضى بوحدتي
أنا مش هكون لعبة في ايديكي
خلاص خسرتي محبتي
انسيني وإنسي اللي ما بينا
بقولك إنسي وابعدي
مش أنتِ اللي حلمت بيها
ياما كنتِ بتوعدي
طلعتي كدبه لعبتي لعبه
لعبتك مش لعبتي
قلتيلي إنك نبض قلبي
سبب سعادتي وفرحتي
مالقتشي منك إلا صورة
بعدتي عني في شدتي
أنا مش هصدق أى كلمة
خلاص نهايتي بتبتدي
