بقلم – الدكتور م. وائل الشهاوي
ازاي وقت الفقر او الزنقة التفكير بيبقي مختلف تماما عن وانت معاك فلوس ؟؟!!
المخ البشري في وقت زنقه الفلوس بيبقي مشغول بالمشاكل الي حواليه بسبب الفقر وده الي بيخليه يتوقف عن حل المشكله الاساسيه وهي الفقر..
طيب انسي بقي الفقر خالص وفكر في كل موقف الي بنقع فيها وازاي مخك بيتكتف عن حل المشكله وبيركز في الاشياء الي حواليها ، يعني كمثال وزنك زايد مثلا شوف كميه التفكير والوقت الي بيضيع في خنقتك من شكلك او حسابات اكلك او قياس هدومك قدام المشكله الاساسيه وهي عدم اتباع نظام غذائي صح او تمرين علي عكس بقي لما بتيجي تخس شويه وتلاقي فرق هتلاقي فجاءه ان تفكيرك اتغير وبتركز في ال core مش اي حاجه تانيه.
لما تفكر بنفس المنطق ده هتعرف ان المخ البشري اول مبيتزنق بيفكر بطريقه اقل ذكاء بكتير في كل المواقف وبندي عذر اننا متوترين او غيره وده ياخدنا للنقطه التانيه وهي ال consciousness bandwidth
وديه ببساطه حجم ادراكك ووعيك بالاشياء الي حواليك علي حدي يعني مثلا في فرق كبير سواء في العلم او ال mindset ما بين بطل رياضي بيمارس الرياضه بقاله ٢٠ سنه قدام واحد لسه بادئ.
وده الفرق ما بينهم في ال bandwidth بتاع ادراكهم لجسمهم وحماسهم وغيره.
نفس الكلام في الشغل في الثروه في الحب في الوزن وغيره من الاشياء طيب انت عشان ت stretch ال Bandwidth بتاعك في اي حاجه في ٣ طرق
١- التعلم بكل طرقه
٢-الخبرات الحياتيه
٣-خبرات الاشخاص الاخري.
للاسف احنا اخرنا بنعمل الاتنين الاولانيين وبنتجاهل التالته وهي الاهم ..
مبدا الي ملوش كبير يشتريله كبير مبدا عبقري وطريقه مثاليه انك تركب الصاروخ في stretching your bandwidth في اي شئ يعني مثلا.
انك تتعرف علي اثرياء وتراقب تصرفاتهم
او انك يبقي معاك صحبه صالحه او رجال دين تراقبهم وتبقي معاهم
او انك تبقي مع الناس متعلمه عنك واشطر منك في شئ وتفضل معاهم لحد متعديهم وتخش علي الي بعدهم.
او حاجه انا شايفها basic الصراحه الي هو زي ال ١٠٠ دكتور الي روحتلهم في حياتك عشان تتعالج من اي مرض وناسي الدماغ الي ممشيه كل ده ومش بتروح لدكتور نفسي علي اعتقاد منك انك كويس عادي وديه اشاره كبيره لصغر ال bandwidth في الحته ديه.
وغيره من الاشياء.
الخلاصه ان من الحماقه انك تحكم علي حد وعلي حياته من غير ادراك ال bandwidth الي هو فيه وتحكم عليه انه وحش لانك ببساطه انت زيه بظبط في شئ تاني وبتتمني تطلع منه ومش عارف ومن الخير انك تديله خبرتك من دون الحكم عليه وبعدها دايما تبقي بتدور علي ناس احسن منك تنمي عقليتك علي قد متقدر..
وعلي راي المثل:
“If you are the smartest in the room you are in the wrong room“
