الشاعر طفل والحرف العابو
والشطر نقّط سطر عاثيابو
حامل ببالو سبحة مواويل
وكمشة قوافي شعر بجيابو
بيشرد خيالو بيسكر وبيميل
ومن دون خمر بيفتح كتابو
وقلام فكرو بتعشق التجميل
شعرو صلاتو بباب محرابو
بيشحذ طهر ياسوع بالأنجيل
بيركع لألله بس عا ركابو
بيتلي القصيدة بنهدتو ترتيل
بيدخل عرين الشعر من بابو
من عمق بحرالموهبة بيشيل
درّ القوافي حروف ينسابو
ومن قبل جيل وبعد منّوجيل
بيكتب قصايد شعر للجيلين
المهم يرضي ذوق احبابو
