تعالي أنا و أنت نتعاتب
و نتصافي و نتحاسب
نصفي قلوبنا م الأحزان
نخلي الفرحة فينا تبان
منرجعش لقولنا و قال
تعالي يا بكرا بإمبارح
و أيام الهنا الطارح
خيال ف خيال
و كنا عيال
لا كان القلب يعرف حقد
و كان الحب فينا بجد
مكناش حتي حاسبينها
و عايشانا و عايشنها
تعالي انا و انت نهزمها
و نبقي انا و انت عالايام
تعالي لبعض هنقرب
نحاول فيها و نجرب
أكيد نقدر و ليه نهرب
و نتعب روحنا انا و انت
كفاية خصام
تعالي انا و انت نتصالح
و ننسي فينا مين جارح
و صفحة جديدة نفتحها
قلوبنا البيضا تتسامح
دي مش مستاهله دنيتنا
ف هات ايدك مع ايدي
و خلي قلوبنا تتكلم
و نتصافح بأحلي سلااااام
تعاااااااالي
الشاعر / محمد النمر
