“حوار بين طفل وأمه لأول يوم له في المدرسة”
الثعلب والنسور، وحكاية العبور
الطفل: ماما..ماما..جيت بالسلامة
الأم: جيت يا حبيبي م المدرسة
حلوة يا روحي وكويسة
الطفل: حلو يا ماما الفصل كبير
فيه سبوره وفيه طباشير
والأبلة فرحانة كتير
بتقول إن بلدنا بخير
الأم: طبعا يا ابني إحنا بنبني نصر لمصر..إفرح بيه
وأنت مسيرك تبني عشانها..أعلى من اللي إحنا بنبنيه
قول يا حبيبي..أول حصة الأستاذة قالت إيه؟
الطفل: قالت كان فيه تعلب واقف
لبلدنا على الشط التاني
كان عامل إنه ماهوش خايف
بيقول راح أكلكم بسناني
وآكل عصافيركم وطيوركم
وأنا قاعد مرتاح في مكاني
الأم: هيه هيه..بعدين إيه؟
قمنا إحنا ردينا عليه!
الطفل: طبعاً بشطارة ردينا
ع الكوبري روحنا وعدينا
والنسر بتاعنا راح ضاربه
راح جاري وإيده على قلبه
على طول نط برة الشط
وعملنا على الشط السور
وهناك لسه واقفة نسور!!
الأم: هايل هايل..إنده بابا
وإحكي له.. راح يفرح بيك
يسلم بقك..يا حبيب ماما
تسلم بلدي.. دايمًا ليك
