أنا ست عملية
ست بس ب مية
كلامي محسوب
والغلط ممنوع
معافرة و قوية
ست عنادية
تعند معايا
تخسر يا عينيا
ست معافرة وجهدية
متعصبة وحزبية
بلدي خط أحمر
دفاعية و هجومية
ست أد التحدي
ويقولوا يا أرض أتهدي
الضحكة الحلوة معدية
نظرتي حادة وشمولية
رؤية المستقبل عالمية
وبفكر بكل موضوعية
للمشاعر وقت …
وبالجدية أحيا كل وقت
تقدر تقول إنسانة طبيعية
صاحبة مبدأ وشفافية
كلمتي عهد وميثاق شرف
الكلمة واحدة ملهاش معاني
التحريف ممنوع
والغضب مني مرفوع
بحب بعقل و بساطة
وبكرهه الحُجة والدموع
ست في الحقيقة مصرية
وفي الأصل
بنت بلد وصعيدية
كلامي ميزان ذهب
وأفكاري نموذجية
مواهب الرب كثير
متلفحه بالنفحة الإلهية
بيقولوا ست عظيمة
وكله بسبب التربية
أبويا رجُل عصامي
وأمي ست الكل شخصية
لوني أمحي
وشعري خيالي
وعلى رأسي تاج بهية
قلمي عنواني
وفخري وامتناني
كتاباتي جريئه وجادية
بس مش بحب العنصرية
عبير حلمي تكتب … ست ب مية
