معلش هنجوعكم معانا
كلمات يفهمها كل صعيدي شبعان علي طبلية ابوه
يا قايد في كانونك خشب
سنط من اللي متنقي
وحاطط فوقيه ضاني من
الكتف متدقل علي قرمه بكريه
واهو اتجرح من تاني
باعوادها اللي مستخبيه
لا مايه تغسلها غير فوره
قي مسلوقه تكون مستعفية
والتومه تحايلها نتجمع وتتفرق
اف مره متشافه ومره متدارية
والبصله حاضناها ورايحه وجايه
وياها تقولش سخله ويا معزيه
وحته طيب ناب تحتاني كاسرها
تقيله لما بتدي زي سخله ويا معزيه
وفص الملح لما يتسقط يعيد
الدرس من تاني ويخلي الدومه موزيه
والكبشه لما تزغزغها تتمايل
وتبين من محارمها تقولش شهديه
وبخر المسلوقة لما يتكاتر زي
عساكر تزوق الغطايه وتبقي مزويه
تطلع روايح تشق طوارقها
لنفس ريقها عشطانه عايزة تبقي مروية
واللحمه لما تملاها اف نص رغيف
تبقي مكسوفه ودي احلي وكليه
