|
| عمرو مصطفى |
أطلق الفنان عمرو مصطفى، العديد من التصريحات المثيرة للجدل، وذلك خلال لقائه بإحدى البرامج التليفزيونية، مساء أمس الخميس، الأمر الذي جعله يتصدر محركات البحث «جوجل».
أبرز تصريحات عمرو مصطفى:
حلمي ولادي يتخرجوا من الجامعة
والأغاني بتاعتي يحبوها ووصلالهم، وبتقدم رسائل وتعالج البشر
أغنية يا دايرة ودي كانت مشاعري من سنتين
قررت أنزل كل المشاعر اللي كنت بعملها من الموبايل
واللي بتعجبهم أوي وبتفرقع بكملها
وأنا كملتها بطريقتي
وتدعم البني آدم متزعلش على خسارة الناس وأنا سعيد بنجاحها الحمد لله
أنا الملحن الوحيد اللي لازم المطرب يتحايل عليه عشان يشتغله
ويتحايل أوي وكثير ويقعد 4 أو 5 شهور عشان ياخد أغنية
أنا مش زعلان إن حد ألحنله أو لا.. مفيش حد خالص مهم.. المهم هو حب الجمهور
لكن البني آدمين اللي بعملهم أغاني مقابل مادي مش عايز المادة ومش عايز أشوفك أصلًا
الحياة كده والقصة كده.. فيه بعض الجمهور بيقولي أنت خسرت كذا
أنا اللي بتنازل عن الناس مش الناس اللي بتتنازل عني
أنا ديمًا اللي بعمل بلوك مش هما اللي بيعلموا بلوك
 |
| عمرو مصطفى |
عمرو مصطفى يعلق على الهجوم على شيرين عبد الوهاب:
وكان قد حرص الفنان عمرو مصطفى التعليق على الهجوم الذي تعرضت له الفنانة شيرين عبد الوهاب في الساعات الماضية، وذلك من خلال منشور له عبر حسابه الشخصي على موقع التواصل الاجتماعي “فيسبوك”.
حيث كتب عمرو مصطفى: “مفيش فنان على وجه الارض بتكون حياته كلها جميلة لكل فنان (كبوه)، ومش الفنان فقط الإنسان الطبيعي كمان لكل شخص فترة صعبة في حياته واختبار كبير وساعات بيكون مستحيل وصعب يسيطر علي نفسه”.
وتابع: “(شيرين عبد الوهاب) اسعدتكم كتير وممكن تكون هي في كبوة فنية، وإنسانية زي ما كلنا بتحصل في حياتنا في ناس بتقدر تعدي وفي ناس من كتر الحروب مش بتقدر مهما كانت أفعالها ارحموها”.
وأضاف: “ربنا سبحانه وتعالى رحيم ليه كل الفضايح دي ليه كل الحروب دي خلاص ادعولها ربنا ينور بصيرتها لأن ساعات بيكون ده مش بأيديها، بيكون الدعاء فقط هو مفتاح رجوعها لحياتها وفنها”.
يذكر أن أغنية يا دايرة، من كلمات أحمد علي موسى، وألحان عمرو مصطفى، وتوزيع تيكو.
جاءت كلمات أغنية يا دايرة كما يلي: يا دايرة كل يوم تصغر يا دنيا قاسية بتغير.. أنا اللي فهمت متأخر أنا غلطان.. غريبة الدنيا وعجيبة.. أنا بتجازى على الطيبة.. كأن خلاص بقيت عيبة تكون إنسان.. يبان وجعي وأنا بحكي في مواويلي.. ودمعة حزينة بتونسني طول ليلي.. وقلبي يروح لناس مشيت وجرحوني.. خسرت الدنيا علشانهم وخسرون.. فكرهم بس مش عارف ليه نسيوني.. اديني لسة بتعلم.. فيه ناس بخسرها بتقدم.. وناس بكسبها بتندم وكله نصيب.
