|
| عمرو مصطفى |
كشف الفنان عمرو مصطفى عن قرار غريب له في العام المقبل 2023.
وقال عمرو مصطفى في تصريحات لبرنامج The Insider بالعربي، على هامش الحفل الغنائي الذي أحياه في دبي مؤخرا: “في 2023 هتسمعوا مزيكا حلوة أوي، وفي ناس كتيرة هعمل لها أغاني لكن بنات بس، مش هعمل أغاني لولاد، أنا الولد الوحيد اللي هيغني”.
وأكد عمرو مصطفى سعادته بالنجاح الذي حققته أحدث أغنياته “يا دايرة”، والتي طرحها قبل يومين عبر قناته الرسمية بموقع يوتيوب، وهي من كلمات أحمد علي موسى وألحان عمرو مصطفى وتوزيع تيكو.
وتقول كلمات أغنية “يا دايرة”:
يا دايرة كل يوم تصغر
يا دنيا قاسية بتغير
انا اللي فهمت متأخر
انا غلطان
غريبه الدنيا وعجيبه
انا بتجازى ع الطيبة
كإن خلاص بقت عيبة
تكون انسان
يبان وجعي وانا بحكيه في مواويلي
ودمعة حزينة بتونسني طول ليلي
وبسأل روحي ليه مكمل وإيه باقيلي
وقلبي يروح لناس مشيت وجرحوني
خسرت الدنيا علشانهم وخسروني
فاكرهم بس مش عارف ليه نسيوني
اديني لسه بتعلم
فيه ناس بخسرها بتقدم
وناس بكسبها بتندم …وكله نصيب
حكاية ووقتها بيخلص
وغالي في عيني ليه بيرخص
حبايب كل يوم تنقص… تروح وتغيب
وطرح عمرو مصطفى خلال الفترة الماضية 4 أغنيات من ألبومه الجديد وهى “إلا أنا” من كلمات مصطفى إسماعيل، وألحان عمرو مصطفى وتوزيع Ron Taylor، وأغنية “رقصة” من كلمات مصطفى ناصر وألحان عمرو مصطفى، و”مين هيجاريه” من كلمات مصطفى ناصر وألحان عمرو مصطفى وتوزيع Luis Robisco، و”سيبوه” من كلمات مصطفى ناصر، وألحان عمرو مصطفى، وتوزيع إسلام الأزرق.
