«آيتن عامر» عن «أكرم حسني»: «أخ قليل ألاقي زيه»

أيتن عامر

حرصت الفنان آيتن عامر على توجيه رسالة إلى الفنان أكرم حسني وذلك بعد تكريمهم سويًا على مسلسل مكتوب عليا، وذلك عبر حسابها بإنستجرام. 

ونشرت آيتن عامر صورة تجمعها بحسني من التكريم، وعلقت: انا مهما اتكلمت عنك مش هقدر اشرح ربع اى حاجة من الحاجات الكتير الحلوة فيك. 

وتابعت: و كلمة شكرا عمرها ما هتكون كفاية عليك عشان انت تستاهل اكتر من كدة بكتير.

وأضافت: مش بس صديق جدع و فى ضهرى دايما و زميل لن يتكرر لا انت كمان أخ قليل لما الاقى زيه، النهاردة خدنا جايزتين واحدة ليك و واحدة ليا عشان مكتوب عليا.. وربنا يكتبلك حب الناس اكتر واكتر عشان انت تستاهل.. شكرا يا سي جلجل.

وكشفت ايتن عامر من قبل عن بداية دخولها المجال الفني وقال خلال برنامج سهرانين: بداية دخولي عالم التمثيل كانت غريبة جدًّا، أنا كنت بتستخبى في شنة عربية وفاء عامر علشان أروح معاها التصوير خاصة وهي رايحة المسرح.. وكنت بحب أروح معاها المسرح لأنها كانت بتشتغل مع صلاح عبد الله وأحمد آدم وحسين الشربيني وكوكبة من الفنانين في فترة التسعينيات، ووقتها كان عمري 6 أو 7 سنين وعملت الإعلانات وأنا صغيرة وكانت شيري عادل السبب لما ما قدرتش تيجي فخدوني مكانها وعملت ساعتها 4 إعلانات وبعدين وقتها ما فكرتش في تمثيل”.