|
| ياسمين عز و بدرية طلبة |
علقت الفنانة الكبيرة، بدرية طلبة، اليوم الثلاثاء، على التصريحات المثيرة للجدل للإعلامية ياسمين عز، وذلك عبر فيديو لها، على صفحتها الشخصية بموقع التواصل الاجتماعي «فيس بوك».
وقالت الفنانة بدرية طلبة ساخرة: “إيه يا ياسمين إحنا ماشيين بالعلاج، كل واحدة فينا فيها اللى مكفيها، اللى متجوزة ومستنياها تقول يا أستاذ محمد فيها اللي مكفيها، بدل ما تطول فى المد بالألف مفيش وقت الناس بتكح تراب وانتي جاية تقولي لها مدي بالألف، يعني الكلكعة اللي في قلبي منك زادت”.
 |
| ياسمين عز |
بعد تصريحاتها عن الراجل.. بدرية طلبة لـ«ياسمين عز»: «إحنا ماشيين بالعلاج»
وأضافت بدرية طلبة: “أنا لو قلت كده هيديني بطبق الملوخية فى وشي، إنتي بتوقعي توقيع غير مشروع وممكن تكوني قاصدة منه خير”.
وتابعت: “والله يا ياسمين يوم ما كنت يا قلبي، أحس إني في إيه، لا وقت للدلع المرق، بصي يا ياسمين إنتي خلتينا فعلا نكلم نفسنا”.
واختتمت بدرية طلبة حديثها، قائلة: وبعدين اي الصوت الشتوي ده يعني الست تلبس بطانية وهي بتتكلم ولا اي، وحتة الزوجة التانية الرجالة نفسهم مش مقتنعين، دانتي ممكن تروحي تقضي على جوزك يوم الصباحية.
ياسمين عز:
وكانت ياسمين عز قد كشفت أداب النداء على الزوج، فقالت: ليه بتنادي على جوزك محمد بس المفروض تقوليله يا أستاذ محمد ومتاكليش أخر حاجة في اسم الراجل بعد اذنك، مينفعش تقوليله يا محماا قولي محمد.. زي مانتي مش بتحبيه ياكل اسمك ويقولك يا سمااا بدل سماح انتي كمان متعمليش معاه كدة.
وتابعت: يا أداة نداء تطلعي بيها وتعلي بإستاذ ومحمد بالصوت الشتوي وهتقولي ليه أقول يا مش أيها، عشان يا للقريب الحبيب أيها للبعيد الغريب.
واختتمت ياسمين عز حديثها، فقالت: حبي جوزك وراجلك ولازم يكون صوتك هادي وناعم وإفخري بيه وحسسيه دايما بمجهوده في شغله.
بدرية طلبة:
وكانت الفنانة بدرية طلبة حلت ضيفة على برنامج “البخت” المذاع على قناة “الشمس”، حيث أكدت أنها ترفض تقديم مشاهد الإغراء أو التى تحتوي على قبلات.
وقالت بدرية طلبة، فى تصريحات تليفزيونية، إنها لا ترتدي المايوه على الشاشة، خاصة أنها فى حياتها الشخصية تقوم بارتداء المايوه الشرعي.
وصرحت الفنانة بدرية طلبة بأنها قامت بوضع مادة الفيلر أسفل جفنيها حتى تزيل الهالات السوداء، ولكنها تراجعت فيما بعد وطالبت الطبيب بإزالتها، كما قامت بإجراء عملية شد الجفون.
وأضافت أنها قامت بنفخ شفتيها عن طريق البلازما الخاصة بدمها.
كشفت الفنانة بدرية طلبة عن رأيها فى الأزمة التى صاحبت حفل الفنان محمد رمضان فى مدينة الإسكندرية مؤخراً، مؤكدة أن الشعب السكندري لا يمكن أن يطرد أحدا، أو يقوم بحملة ضد أحد، بل يعرف جيداً كيفية الترحيب بالضيف.
وأوضحت بدرية طلبة، فى تصريحات تليفزيونية لبرنامج “البخت”، أن ما حدث من الممكن أن يكون دعاية من الشركة المسئولة عن الدعاية للحفل، خاصة أنها كانت متواجدة فى الإسكندرية وشاهدت أن الجمهور يجري وراء محمد رمضان كنوع من الترحيب.
