يوم ميلادتك يوم عيد عند باباكي ومامتك وخاصة لو ابنك هيكون أول حفيد ليهم
*بيبقي الدلع كله الاكل واللباس والحنيه والفسح
*بتحسي انك ملكة زمانك
*نيجي بقي لتيتا اول ما بيدخل عليها حفيدها وكأنه قطعه من الجنه
فرحه عارمه ولا كان أبو زيد الهلالي داخل عليهم بانتصاراته
مش بيبي ببامبرز
*تلاقي المحشي واللحوم اشكال والوان وكان الرضيع هيقوم من لفته يفترس كل هذا الطعام اللذيذ
*نيجي بقي لللعب اللي ما بنبقاش عرفين نوديها فين بتبقي محتاجه شقه لوحدها عشان البيبي يلعب بيها
دا خلاف البيبي اللي بيستخدمها استخدامات اخرى الا وهي المص
يفضل يتزوق الالعاب لحد ما تيتا تقول إن الولد جعان عاوز يرضع
*وتفضل تيتا تجهز في رضعات وزبادي وعسل وبطاطس مهروسه
وتاكله والأمهات تشرب
تفضل تجرى بيه ع الدكاتره من الانتفاخ
*دا غير جدو اللي طول النهار شايله ع كتفه يروح السوق يجيب الطلبات وهو شايل تهمه صغيرة ع دراعه
ولا كأن الجد والجده خلفوا ولاد قبل كده
*بتلاقي الاب والام ظهر عندهم حس فكاهي
وطفولة متأخرة
وسبحان الخالق هما الوحيدين اللي بيكون ليهم تأثير ع الاطفال
وبرضو هما الوحيدين اللي مهما اتعصبوا الاطفال استحاله يزعلوا منهم
وكأن جدو وتيتا دول ما ينفعش حد يجي جنبهم ولا يكسر كلامهم
*نيجي بقي لما الولاد تكبر ويبدأ العند وتيحي تادبى حد فيهم تلاقي تيتا تدافع باستمامته وتلاقيها تنسي ازاي ربت امهم قبلهم
وطول النهار لسه صغيرين
بكره يفهموا
ولما تقولي ايه يا ماما العقل دا كله والتربية الايجابيه كانت فين التربية دي ايام العصيان والحرة ورانا
ساعتها الزهايمر يشتغل وماما تقول أنا عمرى ما زعلتكم وانتم صغيرين ابدا استحاله
*عامة احلي ايام بيعشها ولادنا في حضن هؤلاء العظماء
هذا الجيل اللي سبحان من جعله يحب أحفاده اكتر من أولاده
*الأجداد دول بركة البيوت
رمز الحب والعطاء
صيدلية بدون ادويه
طبيب بدون كشف
معلم بدون قلم
مرسل بدون كتاب
وأعظم بدون أداة
*أنهم الأجداد أصحاب القلوب الملائكيه
