هيثم سعيد
رد المطرب هيثم سعيد على الفنان صبري فواز عندما سئل الأخير الفرق بين أغاني المهرجانات وأغنية “قشطة يابا”.
وكتب هيثم سعيد عبر حسابه على فيس بوك: “أقول لحضرتك يا أستاذ صبري (قشطه يابا)، الشاعر بيقدم الكلمات للمصنفات الفنية مكتوبة قبل التنازل للمطرب، بتفحصها لجنة قراءة للتأكد من خلوها من أي ألفاظ أو إيحائات غير لائقة ومن أصالتها (مش مسروقة يعني)”.
وأضاف: “وبعد الموافقة اللي بتستغرق 3 أيام عمل بييجي الشاعر مره كمان عشان يستلم الموافقة وبعدين يعمل التصريح / التنازل للفنان عشان يدخل يسجل الأغنيه وبعدها يطرحها، وإن لم يتم الموضوع بالألية السابقة تقوم النقابة بإتخاذ الإجراء المناسب نحو الفنان النقابي سواء (عامل/منتسب) سواء بالإيقاف أو الغرامة”.
وتابع هيثم سعيد: “أما عن (المهرجان) بيكتب الأغنية، يسجلها، يطرحها يعني الفرق ما بينهم زي الفيلم اللي حضرتك بتمثله كده وافلام التيك توك بتاعة (ايه ده.. ده مالطو) أو الفيلم الإباحي اللي اتصور عند الهرم أو أي محتوى درامي خاص يعرض على الإنترنت بدون رقابة، بس يا أستاذنا”.
وكان صبري فواز قد كتب عبر صفحته بموقع التواصل الاجتماعي فيس بوك أمس: “عاوزين حد متخصص من نقابة المهن الموسيقية يفهمنا ويعلمنا ايه الفرق بين المهرجانات وأغنية قشطة يابا”.
