|
| هند عاكف |
كشفت الفنانة هند عاكف عن رأيها في بعض الفنانين..
كان ذلك خلال حلولها ضيفة على برنامج “نص الكلام” من تقديم راغدة شلهوب عبر قناة “النهار” في فقرة عرض فيها مجموعة صور لتختار منهم.
وعُرضت صورة للفنانة رانيا يوسف والفنانة روبي لتختار هند عاكف من بينهما الأفضل في تقديم الإغراء وقالت: رانيا يوسف أفضل في تقديم الإغراء.
ومع عرض صورة للمخرج خالد يوسف والمخرجة إيناس الدغيدي قالت: أحب رؤية خالد يوسف الإخراجية.
واعتبرت هند عاكف الاختيار بين محمد هنيدي ومحمد رمضان أمرا محيرا، لكنها فى النهاية اختارت محمد هنيدي متذكرة تعاونهما معا في أعمال فنية عديدة.
كما اختارت هند عاكف الفنانة منى زكي لتكون الأفضل في جيلها.
وخلال اللقاء تحدثت هند عاكف عن أزمتها في حفل افتتاح مهرجان القاهرة السينمائي ولم تتمالك دموعها وهي تحكي تفاصيل ما حدث.
وقالت هند عاكف باكية تعليقا على فيديو منعها من دخول الحفل: ينفع الكلام ده لفنانة مصرية بتشتغل وهي عندها 4 سنين، أنا كان معايا دعوة مش منهم من زميل مش هذكر اسمه، قالي أنا شفت الفيديو بتاعك وأنتي عاوزة تروحي المهرجان هبعتلك دعوتي وطلب مني مبلغش حد أني أخدت الدعوة علشان لو بعتولي يديها لحد تاني.
وتابعت: يوميها أنا نازلة من البيت معايا الدعوة أنا مش ههين نفسي، أنا دمعتي نزلت دلوقتي عشان صعبان عليا تاريخي وتاريخ عيلة عاكف اللي أنا شايلاه طول عمري، لما وصلت معرفش الدعوة كانت فين وقولت استحالة يحصل مشكلة أنا ليا تاريخ وليا وضعي حتى لو بعدت شوية.
وعاتبت هند عاكف الفنان حسين فهمي كرئيس للمهرجان قائلة: المفروض حضرتك كنت بلغت الإدارة والمنظمين أن لو حصل مشكلة على الريد كاربت نحلها إزاي، لو فنانة جاية بيتها وجاهزة يقولولها اتفضلي.
