|
| حسام حبيب وشيرين عبد الوهاب |
علقت الإعلامية مروة صبري على عودة الفنانة شيرين عبد الوهاب إلى الفنان حسام حبيب، بعد ما حدث بينهما مؤخرا من خلافات.
وقالت مروة صبري في برنامجها “قعدة ستات”: بعد كل اللي شفناه حسام حبيب مظلوم ويا حسام أنت اللي غلطان أنك وافقت ترجع لشيرين تاني، أنت حر بعد كده في اللي هيتعمل فيك لما يتقال أنك بتاخد فلوس وعارفها مصلحة لأنها شيرين عبد الوهاب وأنت مطرب لسه اسمك مش قد اسمها استحمل، لما يتقال أنك سرقت عربيات ودمرت حياتها وحياة بناتها وضربتها استحمل، لما أي حاجة تتقال عليك متبقاش تزعل أنت حصل فيك مرة واتنين وتلاتة وفي الآخ رايح تكتب كتابك على شيرين.
وتابعت منتقدة تصرفات حسين حبيب والد حسام قائلة: الإفيه الأعلى أبو حسام حبيب من أسبوعين كان بيقوله أنت تربية ست واستفز العالم كله وكان واقف مع شيرين ضد ابنه، والنهاردة بيبارك لهم وبيتمنى يجيبوله حفيد بسرعة، أحنا بنهزر ولا أنتوا بتستخفوا بعقل الجمهور.
وكانت النجمة شيرين عبد الوهاب قد أكدت في مداخلة هاتفية مساء “الجمعة” مع الإعلامي عمرو أديب أنها عادت للفنان حسام حبيب وتم عقد القران، وأنها تعد جمهورها بأنها في أمان، ولن تتحدث مرة أخرى فيما يخص أمور بيتها، مشيرة إلى ان الإعلامية نضال الأحمدية أرسلت لها هي وحسام باقة ورد.
