كشفت الفنانة صفوة عن المعاناة التي عاشتها في زواجها الثاني، حيث أوضحت أن زوجها كان لديه مشاكل في إتمام واجباته الزوجية، وذلك أثناء حوارها مساء الخميس ببرنامج “نص الكلام” مع المذيعة راغدة شلهوب على شاشة تلفزيون قناة “النهار”.
قالت صفوة: “بعد طلاقي من زوجي الأول بـ 3 شهور كنت شغالة في شركة كبيرة، وكان فيه عميل جاي من الكويت عرف أني اتطلقت فطلب الجواز مني، وعمل لي أكتر من اللي بحلم بيه وفرح أسطوري وشبكة كبيرة، ووقتها مكنتش دخلت الفن”.
وتابعت صفوة حديثها قائلة: “في شهر العسل سافرنا وروحنا ملهى ليلي وعجبني بدلة الراقصة فأخدتها وتاني يوم روحت نفس المكان وطلعت رقصت معاها، وزوجي الثاني مكنش عنده مشكلة في إني أرقص، لكن كان عنده مشكلة في إنه يتمم واجباته الزوجية وأنا وقتها اتحملت فوق طاقتي”.
واستطردت: “مش عايزة أجرح في حق زوجي الثاني بس بجد اتحملت فوق طاقتي، ومحستش معاه إني ست، وهو كان كبير عني في السن بفارق كبير، وكان صورة راجل وكنت بضربه من الغيظ لأني كنت بقوله حاجات ومنتظرة منه رد فعل قوية أو زعيق أو يضربني بالقلم فكنت بلاقيه مبيردش مهما أقول حتى لو تطاولت عليه، وفي الفترة دي كان عندي 21 سنة وكنت بستغرب لما أضربه أنه مبيعملش أي رد فعل”.
وكشفت الفنانة صفوة عن رد فعل والدتها من تلك الزيجة، حيث قالت: “كرهت اليوم اللي كنت فيه أنثى لما اتجوزت زوجي الثاني لأنه كان صورة راجل، وبعد ليلة الدخلة فضلت لابسة هدومي لحد لما أهلي زاروني تاني يوم الصبح وقلت لهم مشكلته”.
وتابعت: “وقتها أمي قالت لي مينفعش تتطلقي وكلامك ده مينفعش يتقال وده قلة أدب وفكَّري في فلوسه، بس أنا فلوسه معالجتش ليا النقص اللي عنده، ومن وراء أهلي اتنازلت عن الذهب والعفش والشقة وكل حاجة، وزواجنا لم يستمر أكثر من 9 شهور، والفترة دي كانت بالنسبة لي 90 سنة”.
