ما رأيكم في من يطلقون على أنفسهم (معالج روحاني)؟
أنا بقول دجالين يملؤن الكذب واللهو في زجاجات ويبيعوها للناس
انا بقول بيبيعوا الوهم مقابل المال .
بيبيعوا الكلام بعد ما كنا بنقول( هو الكلام بفلوس)
للأسف في زمن الكورونا
كله بقي بفلوس حتى اللعب پالكلام
يستحضرني كلمة حوارية لنبيلة عبيد في فيلم (الراقصة والسياسي) لما كانت بتقنع صلاح قابيل بإنشاء ملجأ للأيتام عند
ما قالت له(كلنا بنرقص الراقصة بترقص بطريقتها وأصحاب الكلمات والأقلام بيرقصوا بالكلمات بطريقتهم)
التشبيه ده قريب جدا من واقعنا الأليم
الرقص بالكلمات
وبيع السم في العسل
بكلام غير واقعي يغيب عقول كل من يدعي مرض الروح
ونسيوا أن ربنا قال في كتابه الحكيم عن”الروح” · وَيَسْأَلُونَكَ عَنِ الرُّوحِ ۖ قُلِ الرُّوحُ مِنْ أَمْرِ رَبِّي وَمَا أُوتِيتُم مِّنَ الْعِلْمِ إِلَّا قَلِيلًا ﴿٨٥ الإسراء﴾ ·
