|
| مرتضى منصور |
كشف المستشار مرتضى منصور رئيس مجلس إدارة نادي الزمالك عن مصير البرتغالي جيسوالدو فيريرا المدير الفني لفريق الكره الأول بنادي الزمالك بعد خساره مباراه السوبر والتعادل أمام إنبي في الدوري.
وقال المستشار مرتضى منصور في تصريحات تلفزيونية عبر قناة الزمالك:”بسأل جمهور الزمالك العظيم! انتوا عاوزني اتدخل ولا متدخلش ؟ لا مش هتدخل وهفضل ورا فيريرا اعظم مدير فني دخل مصر” .
وواصل :”مش فيريرا ده لما جه أول مره اتعادل مع إنبي في أول ماتش و خد الدوري بعده ، وتاني مره لما جه خسر من انبي وخد الدوري برضو” .
وأكمل :”بتقولي كبر وخرف فوقوا، انتوا عاوزين تعملوا فيه زي محمود علاء وتمشوا ورا جمهور الاهلي وتقولي القاضيه ممكن ! مش كان زمانه ساند مع الونش دلوقتي” .
وشدد :”فيريرا مكمل والدوري لسه طويل ، جاي تقولي امشيه ؟ امشيه عشان ايه الراجل في نص موسم جاب دوري وكاس ولسه مكملين التعاقد معاه” .
وأردف :”الجول في السوبر جه من كوره طايشه وبتحصل لكل اللعيبة ، مش معلول ادى الكوره لشيكابالا نجيبها جول ؟ لكن ازاي لازم الوردي يتقتل “.
وأتم :”الإصابات في الزمالك مش طبيعية، مش عبد الغني اتصاب وخرج وبعدين إنبي دخل جول ؟ ما هو الحرب على الزمالك من كل ناحية” .
