|
| عمر كمال |
أعلن مطرب المهرجانات الشعبية عمر كمال، عن أسباب العملية التجميلية التي أجرها مؤخرًا وتعرض لإنتقادات كثيرة بعد إجراها هذه عملية زرع دقن.
وقال عمر كمال خلال استضافته في برنامج حبر سري التي تقدمه الإعلامية أسماء إبراهيم والتي يعرض عبر قناة القاهرة والناس: راضي جدًا عن شكلي وبحبها وزرعت دقني عشان كان عندي جرح ولما اتعمل كان باين في وشي.
وتابع: احب الناس تعرفني بشغلي ونجاحي ومش حابب الناس تدخل حياتي الشخصية وانا مش ممتنع عن الجواز وانا مش عايز حاجه تعطلني وانا مش عايزة اتكلم عن حياتي الشخصية.
 |
| عمر كمال |
أبرز تصريحات عمر كمال:
وكشف عمر كمال: في حاجات كتير اتغيرت فيا للأسوء بسبب كلام الناس وأتاذيت جدًا
وقال عمر كمال: اغنيتي منجحتش مع سمية الخشاب وكان في وجهات نظر معينه وسكة معينه لو كانت مشيت للاخر وهي ملتزمتش بـ ده معايا.
وكشف: أنا اكبر من إني اعمل فيديو كليب مع سمية الخشاب عشان ينجحني، وسمية الخشاب اللي طلبت مني أن هي تغني معايا ومش أنا اللي عرضت عليها.
وكشف عمر كمال: أمي ملهاش علاقة بالغنا وعمري ما قعدت وقالتلي انت عملت أغنية وعلاقتنا علاقة أم بابنها وملهاش علاقة بشغلي وعمري ما سمعتها أغنية وملهاش في الجو ده
وتابع: أمي قالتلي في بدايتي مغنيش والغنا حرام وقالتلي السكة دي فيها الوحش والحلو وبراحتك وامشي في اللي عايز تمشي فيه وانا خدت السكة اللي نفسي فيها.
وقال عمر كمال: المهرجانات عامله تريندات والمهرجانات مكسره الدنيا والسبب في تريند الراب ان بتوع المهرجانات اتوفقوا سنين والحبل متساب للراب.
وكشف عمر كمال: بعت العربية اللي جاتلي هدية عشان خدت عين وعملت بفلوسها حاجات لنفسي وساعدت غيري
وتحدث عن نقابة المهن الموسيقية وقال عمر:هاني شاكر مكنش متفرغ لينا ومكنش بيرد علينا، و الفرق بين مجلس النقابة السابق والحالي أننا بنعرف نتكلم ونوصل وجهة نظرنا.
وتابع: مجلس النقابة الحالي بنعرف نتكلم معاه ونوصل وجهة نظرنا وبتصل بمصطفى كامل وبعرف اوصله وبقوله مشاكلي لكن هاني شاكر مكنش فاضي لينا.
أغنية عمر كمال الجديدة:
وطرح عمر كمال أغنية هجوم فجائي بالاشتراك مه أحمد شيبة، وذلك على طريقة الفيديو كليب وتاتي أحتفالًا برأس السنة.
